Elordadaǵy «Astana Opera» memlekettik opera jáne balet teatrynda Týrızm jáne sport mınıstri Ermek Marjyqpaevtyń qatysýymen týrızm salasyndaǵy jyl úzdikterin marapattaý rásimi ótti, dep habarlaıdy almaty-akshamy.kz.
İs-sharaǵa týrısik bıznes, memlekettik organdardyń ókilderi, ınvestorlar, jýrnalıser, eńbek sińirgen ardagerler men osy salanyń qyzmetkerleri qatysty. Jıynda Týrızm jáne sport mınıstri týrısik sala ókilderine estelik syılyqtaryn tabystap, quttyqtaý sóz sóıledi.
«Búgingi saltanatty jıynda týrbıznes ókilderimen, sala ardagerlerimen, áriptestermen jáne barlyq múddeli taraptarmen kóriskenime qýanyshtymyn. Sizderdiń árqaısyńyz salanyń qalyptasýy men damýyna erekshe úles qosyp kelesizder. Búginde salanyń damýyna bar kúsh-jigerin salyp júrgen bizdiń seriktesterimizge, ınvestorlarǵa, memlekettik organ ókilderine alǵys bildirgim keledi. Bıylǵy jyl jemisti ótti, belgili bir nátıjelerge qol jetkizdik. Sonyń nátıjesinde búgingi tańda salanyń negizgi kórsetkishteri boıynsha ósim baıqalady. Basym aýmaqtardyń tizimi TOP-20-ǵa deıin keńeıtildi. Osylaısha, ár aımaqta ósýdiń eń perspektıvaly núkteleri anyqtaldy. Týrbıznes ókilderin osy týrısik destınasıalardy damytýǵa belsendi qatysýǵa shaqyramyn», - dedi Ermek Marjyqpaev.