Aýyl sharýashylyǵy mınıstri Aıdarbek Saparovpen kezdesý barysynda Akplas ókilderi Hýseın Akyn men Zýbreın Akyn jobanyń egjeı-tegjeıin talqylady.
Túrkıa Respýblıkasynyń Aýyl sharýashylyǵy ırrıgasıalyq júıeleriniń jetekshi óndirýshisi Qyzylorda oblysynda zaýyt salady. Aýdany 22 ga jer telimi bólingen, dep habarlaıdy aqshamnews.kz sala mınıstrligine silteme jasap.
«Mundaı kásiporyndardyń Qazaqstan aýyl sharýashylyǵyn tıimdi damytý úshin mańyzy zor. Sýarmaly eginshiliktiń tıimdiligin arttyrý sýdy únemdeý tehnologıalaryn keńinen qoldanýmen tyǵyz baılanysty, bul sý shyǵynyn azaıtýǵa jáne ónimdilikti arttyrýǵa múmkindik beredi. Bizde sý únemdeıtin jabdyqtardy satyp alý úshin qolaıly jaǵdaılar jasalǵan, onyń ishinde fermerler shyǵyndarynyń 80% - na deıin sýbsıdıalaý esebinen. Biz óz tarapymyzdan jobany iske asyrýǵa kómek kórsetýge daıynbyz», - dep atap ótti Aıdarbek Saparov.
Óz kezeginde kompanıa ókilderi Qazaqstannyń taǵy birneshe oblysynda osyndaı zaýyttar salýǵa daıyn ekendikterin málimdedi.
Mınıstr Reseımen shekaralas Soltústik Qazaqstan oblysynda AKPLAS zaýyttaryn salýdyń mańyzdylyǵyn atap ótti, bul osy elge ónim jetkizýdi ulǵaıtýǵa yqpal etýi múmkin.
Aıta keteıik, sýarýdyń sý únemdeý tehnologıalaryn engizýdi qoldaý jónindegi sharalardy iske asyrý jyl basynan beri olardyń qoldanylý alańyn 72 myń gektarǵa ulǵaıtýǵa múmkindik berdi. Qazirgi ýaqytta Qazaqstanda sý únemdeý tehnologıalaryn paıdalana otyryp, sýarmaly jerlerdiń jalpy aýdany 384 myń gektardy quraıdy.