Aqsý aýdanynda barlyq turǵyn vaksına saldyrdy.
Almaty oblysynyń Aqsý aýdanynda turǵyndardyń barlyǵy vaksına saldyrdy, dep habarlaıdy Almaty-akshamy.kz «Habar 24»-ke silteme jasap.
Nátıjesinde indet taraý kórsetkishi tómendep, jergilikti halyq qalypty ómirge orala bastady.
«Byltyr jetinshi aılarda qatty boldy ǵoı. Týǵan-týystardyń ólgen qazasyna bara almaı, balalar da árkim óz úıinde otyryp, qorqynysh boldy. Vaksına alǵannan keıin qorqynysh seıilip, bárimiz baratyn jerimizge baryp, aqyryn-aqyryn qonaqqa baryp, kisi shaqyryp, sóıtip jatyrmyz. Eshqandaı qorqynysh joq», - deıdi Sýyqsaı aýylynyń turǵyny Nurǵaısha Mádenqyzy.
Aqsý aýdanynda Sýyqsaı sıaqty 17 aýyldyq okrýg bar. Olardyń árqaısynda stasıonarly ekpe salý pýnktteri jumys isteıdi. Sonymen qatar shalǵaı aýyldar úshin 2 jyljymaly keshen qyzmet kórsetip jatyr
«Eger burynda kúnine 45-50 adam kelse, búgingi kúni birinshi týrǵa 10-15 adam keledi. Óıtkeni kóbisi birinshi týrdy qoıyp tastaǵan. Qazir ekinshi týrǵa naplyv bolyp jatyr. Aýdandaǵy 38 myńnan asa adamnyń 20 myńnan astamy ekpe saldyrýǵa jaramdy dep tanylǵan. Búgingi kúni barlyǵy da vaksına aldy. Nátıjesinde aımaqta epıdemıologıalyq jaǵdaı turaqtala túsken», - dedi dáriger Gúljan Qýatqyzy.
Aýdan ákimi orynbasarynyń aıtýynsha, qazir vırýstyq ósim azaıǵan.
«Bizde ósim joq. Qazir eki jetilikti alsaq, bizde on bir jaǵdaı ǵana. Bylaı aıtqanda, biz «jasyl aımaqta» desek bolady. Osy nátıjesi. Bul osy vaksınasıanyń nátıjesi dep oılaımyz. Almaty oblysynda búgingi kúnge deıin 725 myń adam vaksına alǵan. Bul ekpe alýǵa bolatyn azamattardyń 66%-i. Jalpy óńirde 1 mln bir júz myńnan asa turǵynnyń ımýnıtetin jasandy jolmen kúsheıtý kózdelgen», - deıdi Aqsý aýdany ákiminiń orynbasary Ǵazız Esjanov.