Jannat SHARAPHANQYZY, Almaty qalasy, Jetisý aýdandyq aýmaqtyq saılaý komısıasynyń tóraıymy:
- Jetisý aýdany aýmaǵynda 103 myńnan astam daýys berýshige arnalǵan 47 saılaý ýchaskesi bar. Saılaý ýchaskelerinde 275 baıqaýshy otyr. Olardyń arasynda halyqaralyq baıqaýshylar men OBSE ókilderi de bar. Olar saılaýdyń ádil ótip, keleńsiz oqıǵalardyń oryn almaýyn basa qadaǵalap otyr. Ázirge qandaı da bir quqyqbuzýshylyq oryn alǵan joq. Daýys berýshilerdiń kóńil-kúıleri kóterińki. Dál qazirgi ýaqytta kelýshilerdiń sany artyp, turǵyndardyń belsendiligi baıqalady. Saılaý ýchaskelerine kelip jatqan daýys berýshiler ishinde aýdannyń qart turǵyndarymen qatar, alǵash ret daýys berip jatqan jastar da bar. Barlyǵyna estelik syılyqtar tabys etildi. Munyń ózi merekelik atmosferany qalyptastyrýda.