Ǵaryshker COVID-19 qarsy ekpe alǵan.
Qazaqtyń tuńǵysh ǵaryshkeri Toqtar Áýbákirov koronavırýs ınfeksıasyn juqtyrdy, dep habarlaıdy Almaty-akshamy.kz Almaty-tv saıtyna silteme jasap.
Prezıdent is basqarmasynyń medısınalyq ortalyǵynyń habarlaýynsha, senbi kúni Áýbákirov medısınalyq ortalyq aýrýhanasyna habarlasyp, jótel, álsizdik pen tersheńdik bar ekenin aıtqan.
«Jedel medısınalyq járdem brıgadasy jiberildi. Tekseris kezinde jaǵdaı turaqty bolǵan. Satýrasıa 95%, al temperatýrasy 36.6. PTR-synama alyndy»,– deıdi mamandar.
Test vırýs juqtyrǵanyn kórsetti. Áýbákirov 6 kúnnen beri aýyryp júrgenin jetkizdi. Úıde «Sýmamed» degen dári ishken. Biraq aýrýhananyń kómegine júginbegen.
«23 tamyzda aýrýhananyń mobıldi toby úıine baryp, analız aldy. Keýde tusynyń kompúterlik tomografıasy da jasaldy. Zerthanalyq zertteýdiń nátıjesi boıynsha Nur-Sultan qalalyq ınfeksıalyq ortalyǵyna jiberildi. Biraq pasıent aýrýhanaǵa jatýdan bas tartty», – dedi aýrýhana qyzmetkerleri.
Búgin tańerteń mamandar ǵaryshkermen taǵy sóılesip, ınfeksıalyq ortalyqqa jatýǵa kóndirdi. Dıagnozy – COVID-19. Jaǵdaıy ortasha aýyr. Ekijaqty polısegmentarlyq pnevmonıa anyqtaldy.
Toqtar Áýbákirov koronavırýsqa qarsy vaksına alǵan. Ekinshi dozasy 17 sáýirde salynǵan bolatyn.