5 maýsym kúni Almaty qalasy Tergeý ızolátoryndaǵy tergeý tutqynyndaǵylar da tańerteń erte LA-155\18 túzeý mekemesindegi saılaý ýchaskesine kelip, daýys berdi.
QR Qylmystyq-atqarý kodeksiniń 104 babynyń 3 bóliginde kózdelgendeı sot úkimi boıynsha bas bostandyǵynan aıyrý oryndarynda ustalatyn sottalǵandardan basqa kúdiktilerdiń respýblıkalyq referendýmǵa qatysýǵa quqyqtary bar. Atalǵan sanatqa tergeý tutqynyndaǵylar men sottyń úkimi áli kúshine enbegen, jasy on segizge tolǵandar jatady.
Referendýmǵa daıyndyq kezinde Almaty qalasy Túrksib aýdany ákiminiń sheshimimen Tergeý ızolátory ornalasqan aýmaq boıynsha №479 saılaý ýchaskesi qurylyp, ýchaskelik saılaý komısıasynyń músheleri bekitildi.
Osyǵan oraı LA-155/18 mekemesinde Referendým ótkizý úshin, 5 kabına jabdyqtalyp, úgit-nasıhat jumystary júrgizilgen bolatyn.
«5 maýsym – Memleket basshysy Q-J. Toqaevtyń «Jańa Qazaqstan» qurý bastamasyn júzege asyrýǵa negiz bolatyn mańyzdy kún. Qazaqstan Respýblıkasynyń Konstıtýsıasyna engiziletin ózgerister – elimizdiń jarqyn bolashaǵyn qamtamasyz etetini sózsiz. Osyndaı mańyzy zor saıası naýqanǵa LA-155/18 mekemesindegi tergeý qamaýyndaǵylar da belsendi túrde at salysty. 5 maýsym kúni tańǵy 7,-den bastap tergeý ızolátoryndaǵy daýys berýge quqyly 1025 kúdikti daýys berdi. Olarǵa aldyn ala Qazaqstan Respýblıkasynyń Konstıtýsıasyna engiziletin ózgeristerdiń mańyzy týraly úgit nasıhat jumystary júrgizilgen bolatyn. Osyndaı júıeli jumystardyń nátıjesinde 5 maýsym kúni sot úkimi shyqpaǵan barlyq tergeý qamaýyndaǵylar uıymshyldyqpen daýys berdi», - deıdi mekeme bastyǵy jáne №479 saılaý ýchaskesiniń tóraǵasy ádilet podpolkovnıgi Áset Jumadıev.