"Halyq únine qulaq asatyn memleket" tujyrymdamasyn iske asyrý sheńberinde QR Densaýlyq saqtaý mınıstrligi azamattardyń ótinishteri men qabyldaýy boıynsha esep berdi, dep habarlaıdy Almaty-akshamy.kz.
2023 jyldyń 1 jartyjyldyǵynda vedomstvo "E-Ótinish" AJ, "Documentolog" AJ, QR DSM resmı ınternet-resýrsy, QR Densaýlyq saqtaý mınıstriniń "Ashyq dıalog"portalynyń blog-platformasy arqyly kelip túsken jeke jáne zańdy tulǵalardyń 15 myńnan astam ótinishterin qarady.
Sondaı-aq, QR DSM resmı ınternet-resýrsta bekitilgen jáne ornalastyrylǵan kestege sáıkes 1 jartyjyldyqta Mınıstrlik basshylyǵynyń 37 qabyldaýy uıymdastyryldy, 314 adam qabyldandy.
Sonymen qatar, Mınıstrliktiń resmı ınternet-resýrsynda ornalastyrylǵan 74-37-27 "Senim telefony" jáne 74-32-43, 74-32-40 anyqtama telefondarynyń jumysyna qatysty 2400-den astam qońyraý qabyldandy, al Mınıstrliktiń Qoǵamdyq qabyldaý bólmesinde 478 ótinish berýshi qabyldandy.
Ótinishterdi taldaý negizinde eń ózekti máseleler bólinedi:
- densaýlyq saqtaý jáne sanıtarıa salasyndaǵy ótinishter boıynsha jospardan tys tekserýdi uıymdastyrý;
- ambýlatorıalyq-emhanalyq kómek;
- dárilik zattardy qazaqstandyq dárilik formýlárǵa qosý;
- múgedektigi bar adamdarǵa medısınalyq qyzmet kórsetý.
"Bizdiń ortaq mindetimiz – azamattardyń barlyq syndarly suranystaryna jedel ári tıimdi jaýap beretin" halyq únine qulaq asatyn memleket " tujyrymdamasyn iske asyrý. Bılik pen qoǵamnyń turaqty dıalogy arqyly ǵana qazirgi geosaıasat kontekstine engen úılesimdi memleket qurýǵa bolady",-dep atap ótti Memleket Basshysy Qasym-Jomart Toqaev Qazaqstan halqyna Joldaýynda.