Úsh aıda $309,7 mln bolatyn azyq-túlik aldy.
Ózbekstan birinshi toqsanda Qazaqstannan bıdaı, un, maı, margarın, et jáne arpa ımportyn edáýir arttyrdy. Ótken jyly elimiz 2,9 mln tonna ımporttaı otyryp, qazaqstandyq astyqty satyp alýda kóshbasshy bolyp qala berdi, dep habarlaıdy Almaty-akshamy.kz Eldala.kz silteme jasap.
Jalpy, úsh aı ishinde Qazaqstannan Ózbekstanǵa quny $309,7 mln bolatyn azyq-túlik ákelindi, ótken jyldyń sáıkes kezeńimen salystyrǵanda ósim 37,8%-dy qurady.
Onyń ishinde bıdaı ımporty $138 mln-nan $201,6 mln-ǵa deıin (+46%), bıdaı uny $17,3 mln-nan $28,1 mln-ǵa deıin (+62,3%), ósimdik maıy $17,2 mln-nan $19,6 mln-ǵa deıin (+13,8%), margarın men qurama maı $873,4 myń dollardan 15,9 mıllıon dollarǵa deıin (18,3 ese), et 3,1 mıllıon dollardan 11,8 mıllıon dollarǵa deıin (3,8 ese), arpa 1,3 mıllıon dollardan 6,7 mıllıon dollarǵa deıin (5,1 ese) ósken.
Aıta ketý kerek, 2021 jyly Qazaqstan eksportqa 7 mln 90 myń tonna astyq jiberdi (ótken jyldan 184 myń tonnaǵa artyq). Onyń 2 mln 969 myń tonnasy Ózbekstanǵa ketken (bul 2020 jylǵa qaraǵanda 214 myń tonnaǵa az).
Ótken jyldyń qorytyndysy boıynsha qazaqstandyq astyq kóshbasshylarynyń úshtigine Tájikstan (1,5 mln tonna) jáne Iran (867 myń tonna) kirdi.