Almatyda janǵysh suıyqtyq saqtalǵan kásiporynda shyqqan órtke qatysty ishki tergeý bastaldy.
Óndiristik mekemede arnaıy komısıa qurylyp, qyzyl jalynnyń shyǵý sebebi anyqtalyp jatyr, dep habarlaıdy Almaty-akshamy.kz
Órt sóndirýshilerdiń aldyn ala boljamy boıynsha, ot qazandyqqa qajetti suıyq otyn tıelgen júk kóliginen shyqqan. Tekserý jumystary zańǵa sáıkes 15 jumys kúni ishinde aıaqtalýy tıis. 4 mamyr kúni keshke shahardaǵy qoımalardyń birinde órt shyǵyp, júk kóligindegi avtosısterna jarylǵanyn eske sala keteıik. Qyzyl jalyn qalanyń ár buryshynan kórindi. Sondaı-aq, temir jolda turǵan eki sısternany da órt sharpyp, ishindegi jaǵarmaı janyp ketken.