Tamyzdaǵy UBT shekti bal jınaı almaǵan talapkerlerdiń testileýden qaıta ótip, JOO-ǵa aqyly negizde túsý úshin ótkiziledi.
Tamyzda ótetin UBT-ǵa qatysý úshin ótinim qabyldaý búgin bastaldy. Ótinish berý 30 shildege deıin jalǵasady. UBT-ǵa tirkelý Ulttyq testileý ortalyǵynyń saıtynda júrgiziledi, dep habarlaıdy Almaty-akshamy.kz
Aıta ketsek, osy UBT-ǵa bıylǵy jáne ótken jyldardyń mektep túlekteri, kolej túlekteri men sheteldik mektepte bilim alǵandar qatysa alady. Negizgi UBT sekildi tamyzdaǵy testileý elektrondy formatta 10-13 tamyz aralyǵynda ótedi. Tirkelý kezinde testilenýshiler emtıhan ótkiziletin oryndy, kúndi jáne ýaqytty ózderi tańdaıdy. Negizgi UBT-ǵa qatysqan talapkerler beıindik pánder kombınasıasyn tamyz testileýinde ózgerte alady.
«Qańtar-shilde aralyǵynda ótken UBT-da keı talapkerler shekti bal jınaı almady. Shekti balsyz olar elimizdiń joǵary oqý oryndaryna túse almaıdy. Biz osy balalardyń aqyly bólimge túsý múmkindigi bolýy úshin, tamyz aıynda qaıta testileýden ótýge jaǵdaı jasadyq. Oqýǵa túsý úshin shektik bal jáne ár pánnen keminde 5 bal jınaý qajet», - dedi Ulttyq testileý ortalyǵynyń dırektory Rýslan Emelbaev.