Usynylǵan qujattardy talqylaý tamyz aıynda aıaqtalady.
Elimizde úsh jańa mereke paıda bolýy múmkin, dep habarlaıdy Almaty-akshamy.kz Inbusiness.kz silteme jasap.
«Qazaqstan Respýblıkasyndaǵy merekelik kúnderdiń tizbesin bekitý týraly» Qazaqstan Respýblıkasy Úkimetiniń 2017 jylǵy 31 qazandaǵy № 689 qaýlysyna tolyqtyrý engizilmek.
Oǵan kelesi kásibı merekelerdi qosý usynylyp otyr:
- 16 sáýir – Turǵyn úı-kommýnaldyq sharýashylyǵy salasynyń qyzmetkerleri kúni;
- 9 qyrkúıek – Qazaqstan kásipkerleri kúni;
- 19 jeltoqsan – Jarnama mamany kúni.
Qaýlyǵa tolyqtyrý engizý týraly qujattar Ashyq NQA saıtynda jarıalanǵan. Turǵyn úı-kommýnaldyq sharýashylyǵy salasynyń qyzmetkerleri kúni týraly qujatty qoǵamdyq talqylaý merzimi – 2 tamyzǵa deıin. Al Kásipkerler men Jarnama mamandarynyń kúni týraly qujatty talqylaý merzimi 8 tamyzǵa deıin dep kórsetilgen.