Respýblıkanyń basym bóliginde – ortalyq, ońtústik jáne batys óńirlerde aýa temperatýrasy 38 gradýsqa deıin jetedi.
Tamyz aıynda elimizdiń ońtústik, ortalyq jáne batys óńirlerindegi turǵyndarǵa órt qaýipsizdigin muqıat saqtaý qajet bolady, dep habarlaıdy Almaty-akshamy.kz
Bul - Tótenshe jaǵdaılar mınıstrligi Órtke qarsy qyzmet komıteti tóraǵasynyń orynbasary Marat Hasenovtyń eskertýi.
«Qazgıdromet» málimetteri boıynsha, tamyz aıynda aı boıyndaǵy ortasha temperatýra qalypty bolady. Respýblıkanyń basym bóliginde – ortalyq, ońtústik jáne batys óńirlerde aýa temperatýrasy 38 gradýsqa deıin jetedi. Iaǵnı, órt qaýipsizdigi erejelerin joǵary deńgeıde saqtaý kerek degen sóz», — dedi komıtet tóraǵasynyń orynbasary.
Sondaı-aq ol órt qaýipsizdigin saqtamaý qandaı jaýapkershilikke soqtyratynyn eske saldy.
«Azamattardy orman men dalada bolǵan kezde órt qaýipsizdigi erejelerin saqtaýǵa shaqyramyn. Órt qaýipsizdigin saqtamaǵany úshin Ákimshilik quqyq buzýshylyq týraly kodekstiń 336, 337, 410-baptarymen jaza qarastyrylǵanyn eske salǵym keledi», – dedi mınıstrlik ókili.