Almaty qalasy sanıtarlyq-epıdemıologıalyq baqylaý departamentiniń basshysy Jandarbek Bekshın turǵyndardy ózara baılanysty shekteýge shaqyrdy.
Óńirlik komýnıkasıalar qyzmetinde ótken baspasóz konferensıasynda bas sanıtar dert juqtyratyn yqtımal oryndar saýda nysandary, otbasylyq baılanys jáne qoǵamdyq kólikter ekenin aıtty, dep habarlaıdy Almaty-akshamy.kz
Jandarbek Bekshın ınfeksıany juqtyrý epıdemıologıadaǵy standartty kórsetkishke qatysty ekenin atap ótti. Al bul karantındik sharalardyń tıimdiligin baǵalaýǵa múmkindik beredi.
Sońǵy 7 kúnde Almatyda KVI juqtyratyn negizgi oryndar mynalar: saýda nysandarynda – 35%, otbasylardaǵy baılanystar – 19%, qoǵamdyq kólikte qatynaý – 16%, bazarlar - 14%, saıabaq pen halyqtyń demalatyn jaıaý júrginshiler kósheleri – 3,6% boldy.
Sonymen qatar ınfeksıanyń naqty oryndary anyqtaldy. Sońǵy aptada týystarmen jáne kórshilermen baılanys kezinde KVI ınfeksıasy 0,2–0,4%-ǵa ósti. Oramishilik azyq-túlik emes dúkenderde – 0,1%-ǵa jáne qoǵamdyq tamaqtaný nysandarynda, meıramhanalarda, dámhana men asqanalarda – 0,2%-ǵa, monsha men saýnalarda – 0,4%-ǵa juqtyrý óskeni baıqaldy.
«Ashyq jobasyna qatysýshy nysandarǵa barý kezinde juqtyrǵandardyń úles salmaǵy 106-dan 186 adamǵa deıin artty, bul olardyń kireberistegi kelýshilerdi baqylaý boıynsha resmı jumysy týraly kýálandyrady. Jobaǵa degen osyndaı kózqaras HQKO-da 16 adamdy, saýnalarda, baseın men fıtnes-ortalyqtarda 11 adamdy, meıramhanalarda, kafelerde 8 qala turǵynyn jáne banket zaldarynda 5 adamdy anyqtady», – dedi Jandarbek Bekshın.
Megapolıstiń bas sanıtarlyq dárigeri almatylyqtarǵa mindetti túrde betperde taǵýdy, jumys bólmesin, úı-jaılardy únemi jeldetip otyrýdy, adam kóp jınalatyn oryndarǵa barmaýdy ótindi. Infeksıaǵa kúdik týyndaǵan jaǵdaıda, birden dárigerdiń kómegine júginip, basqa adamdarǵa juqtyrmaý úshin shekteý sharalaryn saqtaý qajet.