Qazaqstannyń tarıhı-mádenı murasy tarıhı estelikterge baı zıatkerlik jáne rýhy joǵary qoǵamdy qalyptastyrý men damytýdyń pármendi tetigi bola alady.
Ulttyq brendterdi damytý jónindegi onlaın-keńeske tóraǵalyq etken Qazaqstan Respýblıkasy Premer-Mınıstriniń orynbasary Eraly Toǵjanov osylaı dedi, dep habarlaıdy Almaty-akshamy.kz
Rrimeminister.kz saıtynyń habarlaýynsha, keńeske ortalyq jáne jergilikti atqarýshy organdardyń basshylary qatysty, atalǵan baǵyttar boıynsha jol kartalaryn ázirleý boıynsha naqty tapsyrmalar berildi.
«Qazaqstan óziniń ulttyq jobalary men brendterin damytýy tıis, osy qundylyqtar arqyly Qazaq eliniń tanymaldylyǵy artady. Bul halyqtyń rýhyn kóterip, qazaqstandyq biregeılikti aıqyndaıtyn ulttyq dástúrlerdi jańǵyrtýda el turǵyndaryn birigýge kómektesedi», — dep atap ótti Eraly Toǵjanov.
Qazirgi ýaqytta «Rýhanı jańǵyrý» baǵdarlamasyn ulttyq jańǵyrý kezeńine kóshirý jónindegi jol kartasy iske asyrylýda. Qazaqstannyń tarıhı-mádenı murasy tarıhı estelikterge baı zıatkerlik jáne rýhy joǵary qoǵamdy qalyptastyrý men damytýdyń pármendi tetigi bola alady. «Qazaq kúresin» jappaı damytý on jyl buryn «Qazaqstan Barysy» jobasyn júzege asyrýdan bastaldy. Tanymaldyq deńgeıiniń artýy «Álem barysy» jáne «Eýrazıa barysy» sekildi halyqaralyq is-sharalarda baıqalýda. Búgin «Qazaqstan barysy» halyq ónerin jandandyrý jáne ulttyq oıyndardy nasıhattaý boıynsha ózindik saıys túri bolyp qalyptasty. Jyl saıyn týrnırge 9 myńnan astam jankúıer, 2 mln-nan astam kórermen qatysady. Bul joba halyqtyń zor qoldaýyna ıe boldy.
Kún tártibindegi ekinshi másele qazaqy Qazanat (Qostanaılyq tuqym) jylqy tuqymyn damytýǵa qatysty boldy. Atqa miný mádenıeti men jylqy sharýashylyǵy jer betine Uly daladan taralǵany tarıhtan belgili. Jahandyq deńgeıde bul sharýashylyq jáne áskerı salada buryn-sońdy bolmaǵan jańashyldyqqa jol ashty. Búgingi kúni qazaqy Qazanat (Qostanaılyq tuqym) tuqymyndaǵy jylqylardy qalpyna keltirý men saqtaý boıynsha jol kartasy ázirlendi. Tarıhı eskertkishter men mádenıettiń memlekettik tizimine «Patshalyq jylqylar qorajaıy» («Sarskaıa konúshná») ǵımarattaryn qosý jáne Qazanat tuqymyndaǵy jylqylardy asyl tuqymdyq synaý júıesin engizý boıynsha jumystar júrgizilýde.