«Talıban» qozǵalysy Ózbekstannyń Aýǵanstanda salatyn temir jol qurylysyna qoldaý kórsetedi.
«Talıban» radıkaldy qozǵalysy Aýǵanstandaǵy «beıbit prosestegi» Ózbekstannyń «syndarly róli» týraly aıtqan. Bul týraly Ózbekstan Syrtqy ister mınıstrliginiń resmı ókili Iýsýp Kabýljanov óziniń Telegram-kanalynda jazdy, dep habarlaıdy Almaty-akshamy.kz Lenta.ru silteme jasap.
Iýsýp Kabýljanovtyń aıtýynsha, buǵan «Talıban» qozǵalysynyń baspasóz hatshysy Mohammad Sýheıl Shahınniń Ózbekstan Táýelsizdiginiń 30 jyldyǵyna oraı quttyqtaýy dálel bola alady.
Bul qujatta talıbterdiń «Ózbekstannyń qatysýymen Aýǵanstandaǵy ınfraqurylymdyq jobalardy iske asyrýdy jalǵastyrýǵa» qyzyǵýshylyq tanytyp otyrǵany jazylǵan, atap aıtqanda - temirjol men elektr jelileriniń qurylysy. Sonymen birge Shahın Aýǵanstannyń qazirgi basshylyǵy «ózbek seriktesteriniń» bastamalaryna qoldaý kórsetýge ýáde bergen.
Buǵan deıin Ózbekstan prezıdenti Shavkat Mırzıeev Tashkent pen «Talıban» qozǵalysy arasynda agresıaǵa jol bermeıtin kelisim bar ekenin aıtqan bolatyn. Shavkat Mırzıeev sondaı -aq sodyrlarmen baılanys ornatýdaǵy áreketteri týraly aıtyp berdi. Olarmen «eshbir el qarym-qatynas ornatpaı turǵanda, Ózbekstan Úkimeti «beıbitshilik pen tynyshtyq» úshin kez kelgen toptarmen dıalogqa barýǵa daıyn ekendigin aıtqan.
15 tamyzda «Talıban» sodyrlary Aýǵanstannyń búkil aýmaǵyn baqylaýǵa alǵanyn habarlaǵan bolatyn. Sonymen qatar radıkaldar aldaǵy ýaqytta Aýǵanstan jerinde Islam Ámirligin qurý týraly jarıalaıtyndaryn aıtqan.