Aýrýhanaǵa túsken 11 adam úıine oraldy.
Jambyl oblysynda oryn alǵan jarylystan jaralanǵandardyń jartysyna jýyǵy úılerine oraldy. Jaǵdaıy jaqsarǵan áskerıler gospıtálǵa aýystyrylyp, keıbiri úı kútimine jiberildi, dep habarlady Almaty-akshamy.kz Almaty.tv silteme jasap.
Al, qaza bolǵan 15 adamnyń biri búgin jer qoınaýyna tapsyryldy. Qutqarýshy bolyp qyzmet atqarǵan 1996 jyly týǵan Ádilet Qanatbekulyn búkil Qumjota aýyly aqtyq saparǵa shyǵaryp saldy.
«Eń bolmasa úılenip artynan bala da qalmady. Áke-sheshesi ǵana qaldy. Sol ókinishti. Aldynan jarylqasyn», – dedi Ádilettiń týysy Bıbihan Álibaeva.
Aýyldastary Ádiletti batyr retinde eske alatyndaryn aıtady. Jergilikti bılik te, erlerdiń esimi umytylmaıdy dep otyr. Qazirgi ýaqytta qaza bolǵandardyń otbasyna ótemaqy berý máselesin qarastyryp jatqan kórinedi. Iaǵnı respýblıkalyq búdjetten 10 mln, jergilikti qazynadan 5 mln, oǵan qosymsha nesıeleri bolsa óteýge kómek qolyn sozbaq.