Názik jandar buǵan deıin hıdjab nemese basyna oramal tartyp qana júrgen.
Aýǵanstanda áıel adamnyń búkil denesin jaýyp, kóz tusynda syǵalap kórýge bolatyn tesikteri bar kıimdi satatyn saýdagerler saýdasy qyzyp tur, dep habarlaıdy Almaty-akshamy.kz Baq.kz-ke silteme jasap.
Reuters málimetinshe, «Talıbandy» jaqtaıtyn jergilikti turǵyndar elde urlyq tyıylyp, tolyq qaýipsizdik ornaǵanyn aıtýda. Názik jandar buǵan deıin hıdjab nemese basyna oramal tartyp qana júrgenin, endi tálipter tumshalap júrýdi talap etkenin alǵa tartady.
«Talıban» bılikti qolyna alǵan kúnniń ertesine biz dúkenderimizge býrkany kóptep ákele bastadyq. Bir kúnniń ishinde osyndaı 60 kıim birden satylyp ketti. Bul býrkalar ózimizdiń Aýǵanstanda jasalady. Negizi tálipter mindetti túrde jabynyp júrińder dep aıtpady, áıelderdiń ózderi qorqyp, jappaı tumshalana bastady, - býrka onlaın-dúkeniniń ıesi Ismatýlla Azızı.
Aıta keteıik, Talıban uıymyna Qazaqstandaǵy Joǵarǵy Sottyń 2005 jylǵy 15 naýryzdaǵy sheshimimen tyıym salynǵan.