2013-2021 jyldar aralyǵynda 1026 páter zańsyz berilgen
Taldyqorǵanda zańsyz berilgen 46 páterdi qojaıyndary ákimdiktiń menshigine qaıtaryp berdi, dep habarlaıdy Almaty-akshamy.kz QazAqparatqa silteme jasap.
Odan bólek 147 páterdi Sybaılas jemqorlyqqa qarsy is-qımyl agenttiginiń Jetisý oblysy boıynsha departamenti qandaı jolmen berilgenin tekserip jatyr.
«Memleket menshigine qaıtarylǵan 46 páter qazir kezekte turǵandarǵa úlestirilip jatyr. Onyń 18-i kezekte turǵan áleýmettik osal toptarǵa, 12-i túrli memlekettik qyzmette isteıtin qyzmetshilerge qyzmettik páter retinde berildi. Al odan bólek 147 páterdiń qandaı jolmen berilgenin antıkor tekserýde», - dedi Taldyqorǵan qalasy ákiminiń baspasóz qyzmetiniń hatshysy Madı Shakenov.
Vedomstvo ókiliniń aıtýynsha, 2013-2021 jyldar aralyǵynda 1026 páter zańsyz berilgen. Odan bólek 669 páter áleýmettik osal toptarǵa, al 357 páter búdjet pen memleket qyzmetkerlerine berilgen.
«669 páter ıesiniń 545-i óziniń osal topqa jatatynyn dáleldeıtin qujattaryn ákeldi. Jumystar jalǵasýda»,- dedi Madı Shakenov.
Esterińizge sala keteıik, buǵan deıin Taldyqorǵanda myńnan asa baspananyń zańsyz berilgenin habarlaǵan bolatynbyz.
Qazir oblys ortalyǵynda 180 myń halyq bar. Al, baspana kezeginde 14 900 adam tur.