Qazir elde jalpyǵa birdeı deklarasıanyń ekinshi kezeńi ótip jatyr.
1 mln 700 myńǵa jýyq adam deklarasıa tapsyrý qajet. Búginge deıin 65 paıyzy tabysyn kórsetken, dep habarlaıdy Almaty-akshamy.kz 24.kz-ke silteme jasap.
Qańtardan bastap memlekettik mekemeler men kvazı-memlekettik sektor qyzmetkerleri, jeke tabys salyǵy men múlki boıynsha esep berip jatyr. Deklarasıalaý 2021 jyly engizildi. Azamattar jyldyq tabysyn, barlyq kiristerin ashyq kórsetýge mindetti. Keler jyly jeke kásipkerler 2025 jyly ózge sanattaǵy azamattar, deklarasıa tapsyratyn bolady.
«Eger azamat qandaı da bir sebeptermen deklarasıa tapsyrý barysynda bir múlkin kórsetýdi umytyp ketse, ol úsh jyl ishinde atalǵan deklarasıaǵa qosymsha deklarasıa tapsyra alady. Bul salyq kodeksinde kórsetilgen. Eger azamat qandaı da bir sebeptermen deklarasıany tapsyrmasa, birinshi ret zań buzýshylyqqa oryn bergen jaǵdaıda eskertý jasalady. Odan keıin qaıtalasa onda 15 AEK aıyppul salynady», - deıdi QR QM Memlekettik kirister komıteti basqarma basshysynyń orynbasary Aınur Sartaeva.