Órt qaýpi joǵary.
Osyǵan baılanysty búgin Qazaqstannyń 16 oblysyna daýyldy eskertý jarıalandy, dep habarlaıdy Almaty-akshamy.kz "Qazgıdromet" RMK baspasóz qyzmetine silteme jasap.
Ulytaý oblysynda kúndiz aptap ystyq bolady, synap baǵany 40 gradýsqa deıin kóterilýine baılanysty órt qaýiptiligi joǵarydan (4-synyp) tótenshe (5-synyp) órt qaýiptiligi deńgeıine ósedi dep kútiledi. Kúndiz oblystyń soltústiginde, shyǵysynda soltústikten soqqan jeldiń ekpini 15-20 m/s quraıdy. Oblystyń basym bóliginde órt qaýpi joǵary.
Túnde Qaraǵandy oblysynyń soltústiginde naızaǵaı oınap, kúndiz oblystyń soltústiginde, shyǵysynda, ońtústiginde de kún kúrkireıdi, burshaq túsedi dep boljanady. Kúndiz oblystyń batysynda, soltústiginde, shyǵysynda soltústik-batystan soqqan jeldiń ekpini 15-20 m/s quraıdy. Oblystyń batysynda, ońtústiginde, ortalyǵynda órt qaýpi joǵary bolady. Qaraǵandyda soltústik-batystan soqqan jeldiń kúndiz ekpini 15-20 m/s deıin jetedi.
Kúndiz Qostanaı oblysynyń soltústiginde, shyǵysynda naızaǵaı oınaıdy dep kútiledi. Túnde jáne tańerteń oblystyń batysynda tuman bolady. Soltústik-batystan kúndiz soqqan jeldiń naızaǵaı kezindegi ekpini - 15-20 m/s. Oblystyń ońtústiginde tótenshe órt qaýpi kútiledi.
Kúndiz Mańǵystaý oblysynyń soltústik-shyǵystynda, ortalyǵynda shańdy daýyl turady dep kútiledi. Kúndiz oblystyń soltústik-shyǵysynda, ortalyǵynda shyǵystan, ońtústik-shyǵystan soqqan jeldiń ekpini 15-20 m/s bolady. Kúndiz oblystyń basym bóliginde aptap ystyq bolady, synap baǵany 40 gradýs ystyqty kórsetedi. Oblystyń batysynda, ońtústiginde joǵary órt qaýpi, oblystyń soltústiginde, shyǵysynda, ortalyǵynda tótenshe órt qaýpi saqtalady. Aqtaýda órt qaýpi joǵary.
Atyraý oblysynda kúndiz aptap ystyq bolady, synap baǵany +40, +43-ke deıin kóterilýine baılanysty tótenshe (5-synyp) órt qaýpi saqtalady. Atyraýda kúndiz qatty ystyq bolady: +38 ℃. Tótenshe órt qaýpi saqtalady.
Aqtóbe oblysynyń soltústik-shyǵysynda órt qaýpi joǵary, oblystyń ońtústiginde, batysynda tótenshe órt qaýpi saqtalady.
Kúndiz Jambyl oblysynyń taýly aýdandarynda naızaǵaı oınaıdy dep kútiledi. Kúndiz oblystyń ońtústik-batysynda, soltústik-shyǵysynda, taýly aımaqtarynda soltústik-batystan soqqan jeldiń ekpini 15-20 m/s quraıdy. Kúndiz oblystyń basym bóliginde qatty ystyq bolady: +38 ℃. Oblystyń basym bóliginde joǵary, óńirdiń batysynda, ońtústik-shyǵysynda tótenshe órt qaýpi saqtalady.
Kúndiz Qyzylorda oblysynyń soltústiginde, ortalyǵynda shańdy daýyl bolady dep boljanady. Kúndiz oblystyń soltústiginde, ortalyǵynda soltústikten, soltústik-shyǵystan soqqan jeldiń ekpini 15-20 m/s deıin jetedi. Oblystyń batysynda, soltústiginde órt qaýpi joǵary, oblystyń ońtústiginde, soltústik-shyǵysynda, ortalyǵynda tótenshe órt qaýpi saqtalady. Qyzylordada tótenshe órt qaýpi saqtalady.
Abaı oblysynda naızaǵaı bolady dep kútiledi. Kúndiz oblystyń soltústiginde, ortalyǵynda burshaq túsedi, daýyl turady dep boljanady. Ońtústik-batystan soltústik-batysqa oıysa soqqan jeldiń ekpini 15-20 m/s, naızaǵaı kezindegisi 23 m/s deıin jetedi. Oblystyń ońtústiginde órt qaýpi joǵary. Semeıde naızaǵaı oınap, kún raıy buzylady dep kútiledi. Ońtústik-batystan soltústik-batysqa oıysa soqqan jeldiń kúndiz naızaǵaı kezindegi ekpini - 15-20 m/s.
Batys Qazaqstan oblysynda kúndiz aptap ystyq bolady, synap baǵanynyń +40, +43-ke deıin kóterilýine baılanysty órt qaýiptiligi joǵarydan (4-synyp) tótenshe (5-synyp) deńgeıine deıin ósýi kútiledi.
Aqmola oblysynyń soltústiginde, shyǵysynda naızaǵaı oınap, burshaq túsedi, qatty jel turady dep boljanady. Túnde jáne tańerteń oblystyń batysynda, soltústiginde tuman bolady. Oblystyń soltústiginde, shyǵysynda soltústik-batystan soqqan jeldiń ekpini 15-20 m/s, kúndiz 23-28 m/s deıin jetedi. Kókshetaýda tańerteń jáne tústen keıin naızaǵaı oınaıdy dep kútiledi. Tańerteń jáne tústen keıin soltústik-batystan soqqan jeldiń ekpini 15-20 m/s quraıdy.
Túnde Shyǵys Qazaqstan oblysynyń soltústik-batysynda naızaǵaı oınap, kún raıy buzylady dep kútiledi. Kúndiz oblystyń soltústiginde, shyǵysynda burshaq túsedi. Ońtústik-shyǵystan soltústik-batysqa oıysa soqqan jeldiń naızaǵaı kezindegi ekpini 15-20 m/s, kúndizgi ekpini 23 m/s deıin jetedi. Óskemende naızaǵaı oınap, kúndiz burshaq jaýady dep boljanady. Kúndiz naızaǵaı kezinde soltústik-batysqa ońtústik-shyǵystan oıysa soqqan jeldiń ekpini 15-20 m/s quraıdy.
Tústen keıin Túrkistan oblysynyń taýly aýdandary men taý bókterinde naızaǵaı oınap, kún kúrkireıdi dep kútiledi. Naızaǵaı kezinde soltústik-shyǵystan soqqan jeldiń ekpini 15-20 m/s quraıdy.
Soltústik Qazaqstan oblysynyń soltústiginde, shyǵysynda, ońtústiginde naızaǵaı oınap, burshaq túsedi dep boljanady. Túnde jáne tańerteń oblystyń batysynda tuman bolady dep kútiledi. Túnde oblystyń soltústiginde, shyǵysynda, ońtústiginde soltústik-batystan, soltústikten soqqan jeldiń ekpini 15-20 m/s, kúndiz oblystyń soltústiginde, shyǵysynda, ońtústiginde 23-28 m/s deıin jetedi. Petropavlda kúndiz naızaǵaı oınap, burshaq túsýi yqtımal. Túnde soltústik-batystan, soltústikten soqqan jeldiń ekpini 15-20 m/s, kúndiz 25 m/s deıin jetedi.
Kúndiz Jetisý oblysynyń taýly aýdandarynda naızaǵaı oınap, kún raıy buzylady dep kútiledi. Ońtústik-batystan soqqan jeldiń naızaǵaı kezindegi ekpini - 15-20 m/s. Oblystyń soltústiginde tótenshe órt qaýpi kútiledi. Taldyqorǵanda kúndiz qatty ystyq bolady: +33..+35 ℃.
Túnde Pavlodar oblysynyń ońtústiginde, shyǵysynda qatty jańbyr jaýady dep boljanady. Oblystyń ońtústiginde, shyǵysynda naızaǵaı oınap, burshaq túsýi yqtımal. Oblystyń soltústiginde, ońtústiginde, shyǵysynda batystan soqqan jeldiń ekpini - 15-20 m/s. Pavlodarda túnde jáne tańerteń naızaǵaı oınaıdy dep kútiledi. Naızaǵaı kezinde batystan soqqan jeldiń ekpini 18 m/s quraıdy.