Resmı tirkelgenine bir jyl tolǵan reseılik ekpeniń tıimdiligi men qaýipsizdigin bul preparatty qoldanatyn elderdegi kóptegen zertteýler rastaıdy.
Adamzatty COVID-19 vırýsynan qutqarýǵa arnalǵan preparattyń ázirlenýine basshylyq jasaǵan álemge áıgili ǵalym Aleksandr Gınsbýrg koronavırýsqa qarsy alǵashqy vaksına týraly egjeı-tegjeıli aqparat berdi, dep habarlaıdy Almaty-akshamy.kz
Ǵalymnyń aıtýynsha, bir jyl ishinde «Spýtnık V» óziniń tıimdiligi men qaýipsizdigin dáleldedi.
«AQSH ǵalymdarynyń aıtýynsha, «Spýtnık V» vaksınasy egde jastaǵy adamdar arasynda kóz jumý jaǵdaılarynyń joǵarylaýyn týdyratyn «ıota» COVID-19 shtamyna qarsy tótep bere alady. Reseılik preparat koronavırýstyń kez-kelgen shtamynan qorǵaı alady, - dedi Gamaleıa atyndaǵy ǵylymı-zertteý ortalyǵynyń dırektory Aleksandr Gınsbýrg.
Aleksandr Gınsbýrg SARS-CoV-2 jańa shtamdarynyń paıda bolýy ári qaraı jalǵasady, al ınfeksıadan qorǵanýdyń basty ádisi - vaksınasıa ekenin atap ótti.
«Spýtnık» vaksınasy bir ǵana konformasıasy bar mRNQ vaksınalaryna qaraǵanda birneshe konformasıalyq jaǵdaıda koronavırýstyń S-aqýyzyna jaýap bere alatyndyǵymen erekshelenedi. «Spýtnık V» antıgendik nusqalardyń óte kóp sanyna birkelki jaýap beredi, bul onyń basty artyqshylyqtarynyń biri», – dep túsindirdi ǵalym.