Búginnen bastap jeńildetilgen avtonesıe berý qaıta jalǵasady. Bul joly ótinishter tek onlaın rejımde qabyldanady. Ótinish qabyldaıtyn arnaıy portal synaqtan ótti, dep habarlaıdy Almaty-akshamy.kz Inbusiness.kz-ke silteme jasap.
Jyl basynan beri elimizde 98 myńǵa jýyq jańa jeńil kólik satylǵan. Óndiristi damytý qory tóraǵasynyń orynbasary Rınat Ǵapparov jańashyldyq júzdegen azamattyń jeńil nesıemen qamtylýyna múmkindik beretinin alǵa tartty. Onyń aıtýynsha, baǵdarlama negizinde qaryz buǵan deıingi qaryzdyń qaıtarylýy esebinen berilmek.
"Túsken aqsha ıgerilgennen keıin nesıeleý qaıtadan kidiredi. 2047 jylǵa deıin revolverlik qarajat kólemi 14,3 mlrd teńgeden asady", - deıdi Rınat Ǵapparov.
Osylaısha, 30 jyl ishinde halyqqa 4 paıyzdyq mólsherlememen 60 myń jańa kólik alýǵa múmkindik týady. Baǵdarlama boıynsha tek otandyq kólikterdi satyp alýǵa bolady.