Ótken jyldyń qorytyndysynda Garmin Forerunner 630 modeli úzdik atalǵan.
"Roskachestvonyń" tańdaýy boıynsha, Garmin Forerunner 55 - 2021 jyldyń eń jaqsy smart saǵaty dep tanyldy, dep habarlaıdy Almaty-akshamy.kz
«Roskachestvo» mamandary 2021 jyldyń eń úzdik smart-saǵattaryn tańdady. Zertteýler men reıtıń atalǵan uıymnyń veb-saıtynda jarıalandy.
Sarapshylar Garmin Forerunner 55-ti jyldyń eń jaqsy smart-saǵaty dep atady.
«Bul batareıasynyń qyzmet etý merzimi 504 saǵatty quraıtyn naryqtaǵy eń dál jáne uzaq jumys isteıtin modelderdiń biri», - delingen.
Úzdik úshtiktiń úsheýin de amerıkalyq óndirýshiniń aksesýarlary ıelendi: ekinshi jáne úshinshi oryndarda tıisinshe Garmin Venu Sq Music Edition men Garmin Forerunner 745 tur.
"Roskachestvonyń" málimetinshe, eń yńǵaıly saǵat - 44 mm korpýsy bar Samsung Galaxy Watch4. Apple Watch Series 7-ni iPhone úshin eń jaqsy smart-saǵat dep atady: «Onyń sensory senimdi, kóptegen smart qosymshasy bar, biraq batareıasy álsiz».
Xiaomi Mi Watch 10 myń rúblden aspaıtyn saǵattar reıtıńin bastap tur: «Olar Android smartfondarymen de, iPhone telefondarymen de úılesimdi, sondyqtan olardy Apple Watch-qa arzan balama retinde qarastyrýǵa bolady». Bul úshtikke Realme Watch 2 Pro jáne Amazfit GTS 2 mini de kiredi.
«Smart-saǵattardy paıdalanýshylar úshin eń mańyzdy fýnksıa –densaýlyqty baqylaý jáne habarlandyrýlarmen jumys isteý», - dedi "Roskachestvo" halyqaralyq zertteý bóliminiń basshysy Marına Borovkova.
2020 jyldyń jeltoqsan aıynda "Roskachestvo" mamandary Garmin Forerunner 630 modelin úzdik saǵat dep ataǵan bolatyn. Reıtıńtiń alǵashqy ondyǵynda Samsung, Fitbit, Apple jáne Huawei qurylǵylary boldy.