Ańyz tulǵa Ábish Kekilbaevtyń shyǵarmasyna fılm túsirildi
«Qazaqfılm» kınostýdıasynyń dereginshe, rejıser Jańabek Jetirýov túsirgen «Shyńyraý» kórkem fılmi Reseıde ótetin XXVII Halyqaralyq «Ádebıet jáne kıno» atty kınofestıvaldiń negizgi baıqaýyna qatysady, Almaty-akshamy.kz.
Gachına qalasynda qyrkúıektiń 24-i men qazannyń 2-si aralyǵynda ótetin festıvál sheńberinde ádebı negizi bar, jazýshylardyń shyǵarmalary jelisimen túsirilgen kınotýyndylar ǵana kórsetiletinin aıta ketken jón.
Esterińizge sala ketsek, Ábish Kekilbaevtyń «Shyńyraý» povesiniń jelisi boıynsha túsirilgen kartına qudyq qazýshy Eńseptiń oqıǵasyn baıandaı otyryp, menmendik, baqtalastyq, mahabbat, dostyq, qastandyq syndy adamǵa tán qubylystardy kóteredi.
«Ábish Kekilbaevtyń «Shyńyraý» povesi jelisimen túsirilgen fılm dúnıe júzine esimderi belgili Tolstoı, Chehov, Dostoevskıı, Kafka sıaqty uly jazýshylardyń shyǵarmasy boıynsha túsirilgen fılmdermen bir konkýrstyq baǵdarlamada kórsetiletinine qýanyshtymyn», - dedi rejıser Jańabek Jetirýov.
Sondaı-aq «Ádebıet jáne kıno» kınofestıvali eń alǵash 27 jyl buryn 1995 jyly Gachına qalasynda ótken bolatyn. Festıvál sheńberinde jyl saıyn reseılik jáne álemdik jańa fılmder kórsetiledi.
Qyrkúıektiń 24-de atalǵan festıvál Alekseı Telnovtyń «Arhıpelag» fılmimen ashylady. Negizgi baıqaýǵa barlyǵy 24 týyndy qatysady.
QR Mádenıet jáne sport mınıstrligi tapsyrysy boıynsha, Sh.Aımanov atyndaǵy «Qazaqfılm» AQ túsirgen «Shyńyraý» kórkem fılmi qyrkúıektiń 28-i kúni saǵat 19:00-de «Pobeda» kınokonsert zalynda (Gachına q-sy, 25-shi Oktábr kósh., 5 úı) kórsetiledi.