Sheteldik bıznesmenderdiń Qazaqstanǵa qaryzy 4 mlrd teńgeden asyp jyǵylady.
Óziniń depýtattyq saýalynda senator Andreı Lýkın osylaı málimdedi, dep habarlaıdy Almaty-akshamy.kz Ulysmedia.kz-ke silteme jasap.
«Bıznes-ımmıgranttardyń vızasyz 198 kompanıasynda 4 mlrd. teńge bereshegi bar. 1,5 myńnan astam kompanıa tirkeý ornynda joq jáne 2 myńǵa jýyq fırma jumys istemeıdi. Bul tolyq derek emes. Memlekettik kirister organdary zańdy tulǵany qurý kezinde zańnamalyq buzýshylyqtarǵa jol berýine baılanysty ony taratý jolymen talap qoıýǵa quqyly. Zańdy tulǵany qurǵan sheteldiktiń bıznes-ımmıgrant vızasyn almaýy osyndaı buzýshylyqtyń biri bolyp tabylady. Alaıda, respýblıkalyq mańyzy bar oblystar men qalalarda belgilengen zańdy tulǵanyń memlekettik tirkeýden ótýin taný sharalary jalpyǵa birdeı qolǵa alynbaǵan», - dedi Lýkın.
Depýtat bıznes-ımmıgranttarǵa salyq salý jáne kóshi-qon máseleleri boıynsha vedimistik baqylaýdy kúsheıtýdi, búkil el boıynsha bıznes-ımmıgranttardyń tikeleı qatysýymen salyq tólemderi men zańdy qyzmet júrgizý turǵysynda kompanıalar men fırmalarǵa aýdıtorlyq tekserýler júrgizýdi, sondaı-aq bıznes-ımmıgranttarmen quqyqtyq qatynastardy retteý tetigin jetildirý jóninde zańnamalyq túzetýlerge bastamashylyq jasaýdy usyndy.