Ystanbulda 500-den astam jolaýshy qalǵan
Air Astana avıakompanıasy shetelde qalǵan qazaqstandyqtardy elge ákelýge barlyq kúsh-jigerin jumsaıdy. Bul týraly Almaty-akshamy.kz atalǵan áýe kompanıasynyń baspasóz qyzmetine silteme jasap habarlaıdy.
«Qazirgi ýaqytta Ystanbulda 500-den astam jolaýshy qalyp otyr. Búgin bizdiń avıakompanıa Nur-Sultan-Ystanbul reısin jasaıdy. Ystanbulǵa ushyp shyǵý ýaqyty 19:05, al qoný ýaqyty shamamen 21:25 dep otyrmyz. Ystanbuldan keri qaıtý reısi 22:25 saǵatta, elge kelý shamamen 06:10 saǵatta. Barlyq jerlerde jergilikti ýaqyt kórsetilgen», - deıdi avıakompanıa baspasóz qyzmeti.
Eske salsaq, buǵan deıin myńnan astam qazaqstandyq týrıs Túrkıadan kele almaı otyrǵany habarlanǵan. Qazaqstannyń dıplomattary avıajolaýshylarǵa quqyqtyq, aqparattyq qoldaý kórsetetin arnaıy shtab qurdy. Budan bólek, Ystanbulda turatyn qandastarymyz da ózderiniń qoldaýlaryn jasap jatyr. Qazirgi ýaqytta qazaqstandyqtar Qazaq-túrik qorynyń keńsesine jaıǵasqan. Olarǵa barlyq qoldaý, kómekter berilýde.