Páter ıesi úsh jumys kúni ishinde shetel azamaty jóninde mıgrasıalyq polısıaǵa habar berýi tıis
Qazaqstan turǵyndary sheteldikterge zańsyz úı jalǵa bergeni úshin jazaǵa tartylýy múmkin. Olar eskertý alyp qana qoımaı, 92 myń teńgege deıin aıyppul arqalaıdy, dep habarlaıdy Almaty-akshamy.kz informburo.kz-ke silteme jasap.
Páterdi qalaı zańdy beredi
1. Mıgrasıalyq polısıaǵa habarlańyz.
Páter ıesi shetel azamaty kelse, úsh jumys kúni ishinde ol jóninde mıgrasıalyq polısıaǵa habar berýi tıis:
vmp.gov.kz — QR vıza-mıgrasıa portaly, ESQ bolsa;
E-qonaq arqyly;
HQKO, ózińiz turatyn jerdegi mıgrasıalyq polısıaǵa beriledi.
Áıtpese, quzyrly organ eskertý jiberedi.
Sonymen qatar, mıgrasıalyq zańnamany buzǵan sheteldikke páter jalǵa bergenderge qoldanylatyn jaza bar. Alǵashynda 25 AEK (76,5 myń teńge) aıyppul salady. Bul áreket bir jyl ishinde qaıtalansa, 30 AEK (91,9 myń teńge) tóleýge týra keledi.
Qazaqstan aýmaǵynda júrý merzimin saqtamaǵan bóten eldiń azamaty da jazasyz qalmaıdy:
úsh táýlik – eskertý;
úshten bes táýlikke deıin – 31 800 tg (10 AEK).
Qazaqstanda 10 táýlikten artyq zańsyz júrse, 79,5 myń tg aıyppul arqalaıdy ne elden shyǵarylady.
2. Ýaqytyn sozý múmkindigin eskere otyryp, 90 kúnnen aspaıtyn merzimge kelisimshart jasaý qajet.
"Sheteldikke baspana jalǵa berý el turǵynyna berýden erekshelenbeıdi. Biraq úıińizge reseılik qonystansa, elde vızasyz júrý merzimin eskerý kerek. Sondyqtan onyń ýaqytsha turýǵa ruqsat alýyna baılanysty ýaqytyn sozý múmkindigin eskere otyryp, 90 kúnnen aspaıtyn merzimge kelisimshart jasaýǵa keńes beremin", – deıdi Krisha.kz zańgeri Baqyt Qasymbekov
Quramyna bizdiń elden bólek RF, Belarýs, Qyrǵyzstan jáne Armenıa kiretin EEO azamattary 90 kún, basqa respýblıka azamattary 30 kún elde tura alady. Sodan keıin Qazaqstannan ketýge, al taǵy biraz qalǵysy kelse, ýaqytsha turýǵa ruqsat alýǵa mindetti.
Ruqsat mynadaı jaǵdaıda beriledi: otbasymen tabysý, oqý, emdelý, bıznes-ımmıgrasıa, mısıonerlik qyzmet.