Olımpıada júldegeri Eldos Smetov el namysyn qorǵaıdy
6-13 qazanda Ózbekstan astanasy Tashkentte dzúdodan ótetin álem chempıonatyna qatysatyn Qazaqstan quramasy anyqtaldy, dep habarlaıdy Almaty-akshamy.kz QazAqparatqa silteme jasap.
Qazaqstan dzúdo federasıasynan málim etkendeı, erler arasynda 60 kelige deıingi salmaqta el namysyn eki dúrkin Olımpıada júldegeri Eldos Smetov pen Maǵjan Shamshadın qorǵaıdy.
Sondaı-aq, Ǵusman Qyrǵyzbaev (66 kg), Danıar Shamshaev (73 kg), Abylaıhan Jubanazar (81 kg), Dıdar Hamza (90 kg), Islam Bozbaev pen Sharhan Nurlyhan (100 kg), Erasyl Qajybaev (+100 kg) dúnıejúzilik dodada baq synaıdy.
Áıelder quramasynda Ábıba Abýjaqynova (48 kg), Gaýhar Irmaǵambetova (52 kg), Sevara Nıshanbaeva (57 kg), Móldir Narynova men Esmıgúl Kýıýlova (63 kg), Anastasıa Maıakova (70 kg), Arýna Jangeldına (78 kg) jáne Kámıla Berliqash (+78 kg) tatamıge shyǵady.
Aıta ketsek, b ıyl qurama kóshbasshysy Eldos Smetov 66 kelige deıingi salmaqta baq synaǵan bolatyn. Endi álem chempıonatynda óziniń tól salmaǵynda básekege túsedi.