Bul jaǵdaı bulǵaq kezinde oryn alǵan
Almatyda jappaı tártipsizdik ýaqytynda jalǵa berilgen 170 velosıped urlandy, dep habarlaıdy Almaty-akshamy.kz
Bul týraly qalalyq mobıldilik basqarmasynyń basshysy Ǵanı Myrzahanov málim etti.
«220 velosıped pen 21 Almaty Bike velostansıasy buzyldy. Oǵan qosa 170 velosıped urlanǵan. Qazirgi ýaqytta aqparattyq júıeni qalpyna keltirý jáne tekserý jumystary júrgizilýde. Halyqqa qyzmet kórsetýdi jańartý 20 qańtarǵa deıin josparlanǵan», - dedi Ǵanı Myrzahanov.
Onyń aıtýynsha, zaqymdalǵan velosıpedterdi jóndeý jáne urlanǵan velosıpedterdi qalpyna keltirý úshin qosymsha 370 mln teńge bólý máselesi qaralyp jatyr.