Bul ortalyqqa osymen tórtinshi márte «bomba qoıyldy»
Almatyda saýda oıyn-saýyq ortalyqtarynyń birine bomba qoıylǵany týraly aqparat jalǵan bolyp shyqty, dep habarlaıdy Almaty-akshamy.kz QazAqparat-qa silteme jasap.
Almaty qalalyq polısıa departamentiniń málimetinshe, saýda oıyn-saýyq ortalyǵyna bomba qoıylǵany týraly qońyraý 102 púltine búgin túsken.
«Saýda oıyn-saýyq ortalyǵynyń ákimshiligi, kúzet qyzmeti jáne quqyq qorǵaý organdary jalǵa alýshylar men kelýshilerdi evakýasıalaý úshin, sondaı-aq, quqyq qorǵaý organdarynyń is-sharalardy odan ári júzege asyrýy úshin tıisti senarı ázirledi. Qysqa merzimde qabyldanǵan is-sharalar nátıjesinde habarlamanyń jalǵan ekendigi anyqtaldy», - dep habarlady vedomstvodan.
Almaty polısıasy turǵyndardy júrgizilip jatqan qaýipsizdik sharalaryna túsinistikpen qaraýǵa shaqyrady. Buǵan deıin «MOSKVA metropolitan» saýda oıyn-saýyq ortalyǵynyń kelýshileri evakýasıalanǵanyn jazǵan boltynbyz. Aıta keteıik, atalǵan ortalyqqa «bomba qoıyldy» degen aqparat maýsym aıynan beri tórtinshi ret tarady.