Munyń geosaıası jaǵdaıǵa esh qatysy joq.
Bul týraly DSM Dári-dármek saıasaty departamentiniń dırektory Baýyrjan Júsipov málimdedi, dep habarlaıdy Almaty-akshamy.kz
«Pandemıa bastalǵan soń, biz Qaraǵandyda daıyn sýbstansıadan «Spýtnık V» vaksınasynyń óndirisin iske qostyq. Qazir bul proses toqtap tur. Búgingi tańda vaksınanyń kólemi jetkilikti», - dep atap ótti departament dırektory.
Sonymen qatar ol aldaǵy ýaqytta qandaı vaksınalar satyp alynýy múmkindigine toqtaldy.
«Spýtnık V» ekpesine qatysty aıtar bolsaq, búginde kelissózder júrgizilip jatqan joq. Qaraǵandydaǵy zaýyt bul vaksınany shyǵarmaıdy. Munyń geosaıası jaǵdaımen esh qatysy joq. Elimizde koronavırýs ınfeksıasyna qarsy vaksınanyń 1,6 mln dozasy bar, - dedi vedomstvo ókili.
Eske sala keteıik, buǵan deıin respýblıkada vaksınasıa úshin vaksınanyń 3 túri – Kazvak, Sınofarm men Pfaızer bar ekendigi aıtyldy. Al revaksınasıa úshin – Kazvak pen Sınofarmdy alýǵa bolady. Qazir koronavırýsqa qarsy vaksınamen tıisti halyqtyń 80%-dan astamy nemese búkil halyqtyń 56%-dan astamy qamtyldy. İ komponentti 10,7 mln adam, İİ komponenti 10,4 mln adam aldy. Táýligine 5 myńnan astam adam ekpe saldyrady.