Qujat 4 tamyzǵa deıin qoǵam talqysyna shyǵaryldy
Qazaqstanda VICH-pen aýyratyn adamdarǵa bala asyrap alýǵa ruqsat berý qarastyrylyp jatyr. Densaýlyq saqtaý mınıstrligi tarapynan tıisti buıryq jobasy da ázirlendi, dep habarlaıdy Almaty-akshamy.kz BAQ.KZ-ke silteme jasap.
«Adamnyń bala asyrap alýy, ony qorǵanshylyqqa nemese qamqorshylyqqa, patronatqa qabyldap alýy múmkin bolmaıtyn aýrýlardyń tizbesinen adamnyń juqtyrylǵan ımmýn tapshylyǵy sındromy (JITS) jáne adamnyń ımmýn tapshylyǵy vırýsyn (AITV) alyp tastaý kózdelgen», - delingen «Ashyq NQA» portalyna jarıalanǵan qujatta.
Salystyrmaly kestede kórsetilgendeı, «Halyq densaýlyǵy jáne densaýlyq saqtaý júıesi týraly» kodekstiń 79-baby 5-tarmaǵyna sáıkes, AITV ınfeksıasyn juqtyrǵan qazaqstandyqtardyń zańnamaǵa sáıkes Qazaqstan Respýblıkasynyń basqa azamattarymen teń dárejede bala asyrap alýǵa quqyǵy bar.