Bul týraly QR Ǵylym jáne joǵary bilim mınıstri Saıasat Nurbek aıtty.
Vedomstvonyń keńeıtilgen alqa májilisinen keıin BAQ ókilderiniń saýalyna jaýap bergen mınıstr joǵary oqý oryndary lısenzıasynan tek sottyń sheshimen aıyrylatynyn qadap aıtty, dep habarlaıdy Almaty-akshamy.kz QazAqparatqa silteme jasap.
Al, Konstıtýsıaǵa sáıkes, Úkimet te, atqarýshy bılik te sottyń sheshimin ózgerte almaıdy.
«16 joǵary oqý orny lısenzıasynan aıyryldy. Bıyl 15 ýnıversıtet tekserýde tur. Alaıda 2023 jyldan bastap joǵary oqý oryndaryn memlekettik baqylaý modeli ózgeredi. Osylaısha, jańa retteý saıasaty engiziledi. Biz bul máseleni muqıat qarastyramyz. Ýnıversıtetti burynǵydaı tez jabýǵa múmkindik bolmaıdy. Sebebi, zańdaǵy prınsıp ózgeredi. Biraq, bul jumysty jalǵastyramyz. Prezıdent naqty tapsyrmalar berdi. Oǵan qatysty saıasat ózgergen joq. Sapasyz bilim bergen joǵary oqý oryndaryn qatań retteý prınsıpi qoldanylady», - dedi Saıasat Nurbek.
Aıta keterligi, Ǵylym jáne joǵary bilim mınıstrliginiń málimetinshe, búginde bes jeke ýnıversıtetke qatysty sot prosesi júrip jatyr.