Ár saǵat úshin bılet qunynyń 3%-i qaıtarylady.
«Qazaqstan temir joly» poıyzdardyń keshigý sebebin aıtty, dep habarlaıdy Almaty-akshamy.kz
Aýa raıynyń qolaısyzdyǵyna baılanysty kóptegen poıyz keshigip jatyr.
«Aýa raıynyń qolaısyzdyǵyna baılanysty qaýipsizdik úshin temir jol ýchaskelerinde shekteýler qoıdy. Kompanıa qozǵalys kestesin qalpyna keltirý úshin barlyq qajetti sharany qabyldap jatyr», - deıdi «Jolaýshylar tasymaly» AQ resmı ókili Mádı Muhamedqalı.
Kompanıa ókiliniń aıtýynsha, vokzaldarda keshigý týraly aqparat taratylǵan. 1433 anyqtama qyzmeti arqyly poıyzdardyń kestesi týraly málimet berilip jatyr.
Poıyz úsh saǵattan artyq ýaqyt keshikse, sms-habarlama jiberiledi. Qujattardy tapsyrý boıynsha aqparat messendjeri arqyly da aqparat berilip jatqan kórinedi.
«Poıyz bir saǵattan astam ýaqyt keshikse, ár saǵat úshin bılet qunynyń 3%-y qaıtarylady. Eger poıyz 6 saǵattan astam ýaqyt keshikse, meıramhana vagondarynda tegin tamaq beriledi», - dep habarlady «Jolaýshylar tasymaly» AQ resmı ókili Mádı Muhamedqalı.