Men ekpe aldym!
Jańa oqý jyly jaqyndaǵan saıyn oqýshylar dástúrli formatta oqı ma, álde taǵy onlaın bola ma degen suraq kópshilikti alańdatýda, dep habarlaıdy Almaty-akshamy.kz.
Eldegi koronavırýs indeti órship turǵan shaqta offlaın oqýdyń qaýpin de oılap otyrǵandar az emes. Biraq bilim salasynyń onlaınǵa kóshýi bilimniń sapasynyń kemýine alyp keletini beseneden belgili. Endi qaıtpek kerek? Jappaı aýyryp qalýdan, adam shyǵynynan saqtanýdyń jalǵyz ǵana joly – ekpe saldyrý bolyp tur.
Balalarynyń sapaly bilim alýyn, dástúrli formatta oqyp, partaǵa oralýyn qalaıtyn ata-atanyń tańdaýy – vaksına alý. Osy oraıda elimizdegi joǵarǵy oqý ornynda oqıtyn stýdentterdiń ata-analary halyqty ekpe saldyrýǵa úndep otyr.