Jol jaýapkershilikti qajet etedi.
Óńirlik komýnıkasıalar qyzmetiniń baspasóz konferensıasynda qala qurylysyn baqylaý basqarmasy basshysynyń orynbasary Oljas Tólebaev jol salýdy sapasyz júrgizetinder týraly aıtty. Olar lısenzıadan aıyrylyp, «qara tizimge» engen, dep habarlaıdy Almaty-akshamy.kz.
O.Tólebaev Almaty ákimi Baqytjan Saǵyntaevtyń jol jóndeý sapasyna baqylaýdy kúsheıtý týraly tapsyrmasy aıasynda jumystaryn jaýapsyz atqarǵan jol kompanıalarynyń lısenzıalarynan aırylǵanyn aıtty.
«Joldardy sapasyz salǵany jáne rekonstrýksıalaǵany úshin QR Ákimshilik kodeksiniń 312-baby 2-bóligi boıynsha lısenzıany qaıtaryp al úshin «AlmatyDorStroı» JSHS, «Esik Joldary» JSHS jáne «DSÝ» JSHS qatysty materıaldar mamandandyrylǵan aýdanaralyq ákimshilik sottaryna jiberildi», - dedi qala qurylysyn baqylaý basqarmasy basshysynyń orynbasary.
Injenerlik jeliler salynǵannan keıin joldardy qalpyna keltirýdi sapasyz júrgizgenderi úshin sottyń qaýlysy boıynsha «Monolıt Dızaın 2030» JSHS, «AGS Plas» JSHS, «Suńqar» JSHS lısenzıalarynan aıryldy, «Badımýs Stroı» JSHS, «EIS Corporation» JSHS lısenzıalary qaralý ústinde. «Sıgma» JSHS-ne qatysty materıal sottyń qaraýynda.
Sonymen qatar «PMK-7K» JSHS sot sheshimimen tenıs ortalyǵyn sapasyz salǵany úshin lısenzıasynan aıyryldy.