Monıtorıń júrgizedi.
15 sáýirden bastap QR Qarjy mınıstrliginiń Memlekettik kirister komıteti jeke tulǵalardyń bank shottarynyń arasyndaǵy mobıldi aqsha aýdarymdaryna monıtorıń júrgize bastaıdy, dep habarlaıdy Almaty-akshamy.kz QazAqparatqa silteme jasap.
Buǵan deıin habarlanǵandaı, bir adamnyń jeke tulǵa retinde ashqan bank shotyna 3 aıdyń ishinde 100 jáne odan da kóp adamnyń bank shotynan aqsha aýdarylǵan bolsa, bul kásipkerlik qyzmetten paıda tabý bolyp esepteledi. QR Qarjy mınıstriniń tıisti buıryǵy búginnen bastap kúshine endi.
Salyq zańnamasyna sáıkes, mobıldi aýdarymdardy paıdalanýǵa qatysty engizilgen ózgertýler, jeke tulǵalardyń jeke aýdarymdaryn /kásipkerlik maqsatta júzege asyrylatyn mobıldi tólemderden/ bólýge arnalǵan.
Olar bıznes qaýymdastyqpen jáne banktermen birneshe ret talqylandy. «Bul bastamalardyń maqsaty sıfrlyq keńistikte bıznesti damytýdy kózdeıdi, qolma-qol aqshaǵa kóshýdi múldem kózdemeıtinin eskerińiz.
Munymen qosa, barlyq málimetter memlekettik kiris organdaryna beriledi eken degen aqparat ta negizsiz. Jalpy, jeke aýdarymdarǵa salyq salynbaıdy.
Ótken jyldyń qarasha aıynda Senatta mobıldi aýdarymǵa qatysty arnaıy zań qaraldy.
Jıynda senator: «Pandemıa kezinde saýda jáne qyzmet kórsetý salasyndaǵy shaǵyn jáne orta bıznes sýbektileri kásipkerlik qyzmette jeke tulǵalar arasyndaǵy tranzaksıalarǵa arnalǵan jedel mobıldi aýdarymdardy barlyq jerde paıdalana bastady. Bul máseleni zańnamalyq retteý maqsatynda: «mobıldi tólemder» túsinigin anyqtaý, mobıldik tólemder arqyly taýarlar men kórsetiletin qyzmetterge aqy tóleý úshin esep aıyrysýlar kezinde onlaın-baqylaý-kassa mashınalaryn qoldanýdy zańdastyrý, kásipkerlerdi bıznesti júrgizýge arnalǵan jeke shottardy paıdalanýǵa mindetteý, bankterdi memlekettik kirister organdaryna tıisti málimetterdi berý usynylady», - dedi.