Ǵalamtorǵa symsyz qol jetkizý úshin FWA jelisi salynyp jatyr
Almaty ákimi Baqytjan Saǵyntaev instagram-daǵy paraqshasyna qalanyń shetki aýdandaryn ınternetpen qamtamasyz etý jumystary qalaı júrip jatqanyn jazdy, dep habarlaıdy Almaty-akshamy.kz.
«Ózekti máseleniń biri – ǵalamtor qoljetimdiligi. «Meganet» kompanıasymen TOBJ arqyly ǵalamtorǵa 1586 abonent qosyldy. Kezekte – Nurshashqan, Tastybulaq, Taýsamaly, Aqjar, Qalqaman-2, Qaırat, Shuǵyla, Dostyq, Aqbulaq, Qaraǵaıly shaǵynaýdandarynyń 304 abonenti tur»,-dep jazdy ákim.
Sondaı-aq ol «Qazaqtelekom» jeke aýdandarda ǵalamtorǵa symsyz qol jetkizý úshin FWA jelisiniń qurylysyn júrgizip jatqanyn jetkizdi.
«Jeli Alataý aýdanynyń Alǵabas shaǵynaýdanynda iske qosyldy. Kezekte Alataý aýdanynyń Ójet, Boraldaı, Terekti, Naýryzbaıdyń Taýsamaly, Túrksibtiń Álmerek pen Nurshashqan shaǵynaýdandary tur. Osy jyldyń sońyna deıin 2 myńǵa jýyq abonentti qamtý josparda bar»,-dedi B. Saǵyntaev.
View this post on Instagram