Respýblıka azamattarynyń 51,16 paıyzy daýys berdi. Bul týraly QR Ortalyq saılaý komısıasynyń múshesi Sábıla Mustafına aıtty, dep habarlaıdy Almaty-akshamy.kz Inform.kz-ke silteme jasap.
«Oblystardyń, respýblıkalyq mańyzy bar qalalardyń jáne Astananyń aýmaqtyq saılaý komısıalary usynǵan derekterge sáıkes, astana ýaqytymen saǵat 14.00-degi jaǵdaı boıynsha óńirlerde azamattardyń kelýi mynadaı:
Abaı oblysy boıynsha – 69,32,
Aqmola oblysy boıynsha – 51,04,
Aqtóbe oblysy boıynsha – 53,21 ,
Almaty oblysy boıynsha – 40,85,
Atyraý oblysy boıynsha – 52,56 ,
Batys Qazaqstan oblysy boıynsha – 43,85,
Jambyl oblysy boıynsha – 52,74,
Jetisý oblysy boıynsha – 52,17,
Qaraǵandy oblysy boıynsha – 53,75,
Qostanaı oblysy boıynsha – 53,15,
Qyzylorda oblysy boıynsha – 59,18 ,
Mańǵystaý oblysy boıynsha – 53,40,
Pavlodar oblysy boıynsha – 52,55,
Soltústik Qazaqstan oblysy boıynsha – 53,10,
Túrkistan oblysy boıynsha – 76,61,
Ulytaý oblysy boıynsha – 68,32,
Shyǵys Qazaqstan oblysy boıynsha – 52,99,
Astana qalasy boıynsha – 39,79,
Almaty qalasy boıynsha – 24,17,
Shymkent qalasy boıynsha – 51,69 paıyz», - dedi ol.
Onyń dereginshe, jalpy saǵat 14.00-degi jaǵdaı boıynsha, respýblıkanyń 6 113 621 azamaty búleten aldy. Ol tizimge engizilgen azamattardyń 51,16 paıyzyn quraıdy.
«Jalpy alǵanda, elimiz boıynsha saılaýshylardyń belsendi daýys berýi baıqalady. Bul rette Túrkistan, Abaı, Ulytaý jáne Qyzylorda oblystarynda saılaýshylardyń kelý kórsetkishi eń joǵary», - dedi Sábıla Mustafına.
Azamattardyń ýchaskelerge kelýi týraly kelesi aqparat elorda ýaqyty boıynsha saǵat 16.05, 18.05 jáne 20.05-te beriletin bolady. Aldyn ala jasalatyn jalpy qorytyndy aqparatty QR OSK saǵat 22.05-te usynady.
Búgin elimizde kezekten tys prezıdent saılaýy ótip jatyr. Barlyq óńirde 10 033 ýchaske daýys berýge kiristi. Sonymen qatar 16 shet memlekettegi Qazaqstan Respýblıkasynyń ókildikteri janyndaǵy 17 ýchaskede daýys berý bastaldy. Sheteldegi 51 ýchaskede jergilikti ýaqytpen daýys berý bastalatyn bolady. Osylaısha, qazirgi ýaqytta saılaý 10 050 ýchaskede ótýde.