Almatyǵa jumys sapary barysynda Qazaqstan Respýblıkasy Premer-mınıstriniń birinshi orynbasary Roman Sklár qalalyq polısıa pepartamentinde bolyp, Memleket basshysynyń polısıa bólimshelerinde úzdiksiz beınebaqylaý júıesin engizý jáne azamattardyń konstıtýsıalyq quqyqtaryn qorǵaý týraly tapsyrmasynyń oryndalý barysymen tanysty.
Roman Sklár ishki ister organdarynyń kúshteri men quraldaryn basqarýdyń qýatty kesheni dep tabylatyn PD jedel basqarý ortalyǵynda boldy, dep habarlaıdy Almaty-akshamy.kz.
Polisia.kz-tiń aqparaty boıynsha, ol qaladaǵy jedel jaǵdaıdyń jaı-kúıin baqylaýǵa, qylmystardy, tártipsizdikterdi, tabıǵı apattardy, tótenshe jaǵdaılardy jáne basqa da jaǵdaılar boıynsha qyzmetter men bólimshelerdiń is-qımyldaryn úılestirýge arnalǵan.
Búgingi ómir jaǵdaıynda azamattardyń jáne olardyń múlkiniń qaýipsizdigin joǵary deńgeıde qamtamasyz etýge múmkindik beretin aqparattyq tehnologıalarǵa mańyzdy ról beriledi. Búginde Almatyda 128 myńnan astam beınebaqylaý kameralary qoldanylady. PD-ǵa issapar barysynda Roman Sklárǵa buqaralyq is-sharalardy súıemeldeý kezinde resmı tapsyrmalardy jyldam oryndaýǵa múmkindik beretin baılanys kesheniniń jumysy da kórsetildi.