Qasym-Jomart Toqaev elímízde japon unıversıtetterí men bílím ortalyqtarynyń bólímshílerín ashudy ūsyndy, - dep habarlaıdy aqshamnews.kz tílshísí.
"Adam kapıtaly – damudyń basty qozǵaushy kúshí. Japonıya būl formulanyń dūrystyǵyn naqty dáleldedí.
Adam, eńbekke qūrmet kórsetu, ūdaıy jetíluge ūmtylu, ómír boıy oqu, óskeleń ūrpaqqa bílím beru – Sízdíń memleketíńízdíń artyqshylyǵy.
Qazaqstan bílím salasyn belsendí damytyp jatyr. Ásírese, sheteldík seríktesterímízben bírge osy baǵytta auqymdy jūmys atqaryluda. Elímízde shet memleketterdíń jetekshí joǵary oqu oryndarynyń fılıaldary tabysty qyzmet etude.
Japonıyaǵa Qazaqstanda unıversıtetter men bílím ortalyqtarynyń bólímshílerín ashu múmkíndígín qarastyrudy ūsynamyz".
