Bul qyzmetke ol Prezıdent Qaýlysymen taǵaıyndaldy.
Rınat Kertaev AMANAT partıasynyń hatshysy bolyp taǵaıyndaldy, dep habarlaıdy Almaty-akshamy.kz.
«Partıa Tóraǵasy Qasym-Jomart Kemeluly Toqaevtyń Qaýlysymen AMANAT partıasynyń hatshysy bolyp Rınat Dýmanuly Kertaev taǵaıyndaldy»,- delingen atalǵan partıanyń Twitter-degi paraqshasynda.
Buǵan deıin «Habar» agenttigi» AQ basqarma tóraǵasynyń mindetin atqarýshy bolyp qyzmet etken Rınat Dýmanuly 1983 jyly 23 sáýirde Jambyl oblysy Qordaı aýdany Qarakemer aýylynda dúnıege keldi.
Ál-Farabı atyndaǵy Qazaq Ulttyq ýnıversıtetinde «Qoǵammen baılanys» mamandyǵy boıynsha birinshi joǵary bilimin aldy.
Keıin sol jerde «Jýrnalısıka» mamandyǵy boıynsha magıstratýrany támamdady. Ár jyly D.A. Qonaev atyndaǵy ýnıversıtette quqyqtaný jáne ekonomıka salasynda óz kásibı biliktiligin keńeıtti.
Rınat Dýmanulynyń eńbek joly «Habar» agenttigi» AQ-nyń damýymen tikeleı baılanysty.
2006 jyly dál osy jerde onyń kásibı joly qazaq tilindegi oıyn-saýyq baǵdarlamalary redaksıasynyń baǵdarlamalar dıreksıasy prodúseri pozısıasynan bastaldy. Úsh jyldan keıin uqsas laýazymǵa baǵdarlamalar óndirisi bólimine aýysty. Ári qaraı «Habar» telearnasynyń jańalyqtar bóliminde aqparattyq baǵdarlamalar dıreksıasynyń redaktor-taldaýshysy qyzmetin atqardy.
2011 jyldan 2012 jylǵa deıin baǵdarlamalar dıreksıasynda bas prodúser bolyp jumys istedi, sodan keıin baǵdarlamalar óndirisi bólimine aýysty.
2016 jylǵa deıin telearna baǵdarlamalaryn óndirý dıreksıasynyń bas prodúseri boldy. 2016 jyldyń shilde aıynda «Habar» telearnasyn basqardy. Sol jyly «Habar» agenttigi» AQ basqarma tóraǵasynyń orynbasary bolyp taǵaıyndaldy.
2018 jyldyń tamyz aıynda basqarma tóraǵasynyń birinshi orynbasary bolyp taǵaıyndaldy. 2019 jyly Rınat Dýmanuly «Qurmet» ordenimen marapattaldy.