Týrıserge jalǵan bıletter satqan almatylyq áıel anyqtaldy
Sottalmaǵan 36 jastaǵy áıel qylmystyq is-áreketpen 2020 jyldyń qańtar aıynan bastap aınalysa bastaǵan, onyń sońǵy áreketterin jedel ýákilder 2021 jyldyń qazan aıynda tirkegen, dep habarlaıdy Almaty-akshamy.kz Polisia.kz-ke silteme jasap.
«Tergeý barysynda kúdikti ózin týrısik kompanıalardyń biriniń qyzmetkeri retinde tanystyryp, klıentterdiń sengishtigin paıdalanyp, olardan ushaq bıletiniń qunyn alǵan jáne satyp alǵanyn rastaıtyn jalǵan bılet bergeni anyqtaldy. Alaıda is júzinde mámile jalǵan bolyp shyqty jáne eshkim jolaýshyǵa naqty bıletterdi usynbady. Klıent muny jóneltý kúni tirkeý ornynda ózi kórsetken reıstiń jolaýshylar tiziminde joq ekenin bilgen kezde ǵana túsindi. Jábirlenýshilerden barlyǵy 12 aryz kelip tústi», – dedi Bostandyq aýdandyq PB janyndaǵy polısıa bóliminiń bastyǵy Ǵalymjan Qasymbaev.
Atalǵan qylmystyq isterdiń barlyǵy QR QK-niń 190-baby 3-bóliginiń 4-tarmaǵy (alaıaqtyq) boıynsha tergelip jatqan bir óndiriske biriktirilgen. Kúdiktiniń jeke basy osyǵan uqsas qylmystarǵa qatysynyń bar-joǵy tekserilýde. Polısıa ustalǵan áıeldiń qylmystyq áreketterinen zardap shekken adamdardyń myna nómirlerge habarlasýyn ótinedi: 298-52-82, 8-708-806-41-57, 8-707-426-54-88.