Reseıdiń Shahty qalasyndaǵy zaýytta bolǵan órt pen jarylys saldarynan kem degende toǵyz adam zardap shekti, dep habarlaıdy almaty-akshamy.kz.
"Izvestıa" saıtynyń habarlaýynsha, 17 qańtarda Reseı Federasıasynyń Rostov oblysy Shahty qalasyndaǵy zaýytta matrastar men jastyqtarǵa salma shyǵaratyn seh órtengen. Órt 200 m² aýmaqty qamtydy. Keıin jalyn 360 m² aýmaqqa jaıyldy.
Basylym jarıalaǵan vıdeoǵa qaraǵanda, órttiń saldarynan jarylys bolyp, ǵımarattyń bir bóligin qıratyp ketken.
Órtti sóndirýge 58 órt sóndirýshi men 17 tehnıka jumyldy. Oqıǵa saldarynan toǵyz adam zardap shekti. Rostov oblysynyń gýbernatory Vasılıı Golýbevtiń aıtýynsha, bir zardap shegýshige sol jerde medısına kómegi kórsetildi. Taǵy úsheýi kúıik aldy, beseýi túrli aýyrlyqtaǵy jaraqatpen aýrýhanaǵa jetkizildi. Aldyn ala málimet boıynsha, qaza tapqandar joq.
Rostov oblysynyń densaýlyq saqtaý mınıstrliginiń ókilderi Shahtyǵa attandy. Órt qazirdiń ózinde sóndirildi.
Bir apta buryn Semeıdegi sement zaýytynda iri órt boldy.