Ramen lapshasy tek Japonıada emes, búkil álemde tanymal. Alaıda bul taǵamǵa degen shekten tys áýestik qaýipti ekeni aıtyldy, - dep habarlaıdy Aqshamnews.kz tilshisi "Doktor Pıterge" silteme jasap.
Ramen – bıdaı unynan jasalǵan dástúrli japon lapshasy. Ádette sorpaǵa et, kókónis, baldyr jáne basqa qospalar qosylady. Túrli nusqalary bar. Jaqynda júrgizilgen saýalnamaǵa sáıkes, japondar basqa lapsha túrlerine qaraǵanda ramendi kóbirek satyp alady.
Japon ǵalymdary ramendi jıi jeýdiń ólim-jitimge áserin zerttep, jaǵymsyz qorytyndyǵa keldi. Sciencedirect jýrnalynda jarıalanǵan málimetke sáıkes, ramendi jıi tutynǵan saıyn mezgilsiz ólim qaýpi de joǵarylaıdy.
Zertteýge 40 jastan asqan 6,7 myńnan asa japon qatysty, olardyń úshten biri – er adamdar. Qatysýshylar saýalnama toltyryp, densaýlyǵy, zıandy ádetteri jáne ramendi qanshalyq jıi jeıtini týraly aqparat berdi.
- Qatysýshylardyń 46,7 paıyzy ramendi aıyna 1–3 ret ishken.
- Shamamen 27 paıyz-y – aptasyna 1–2 ret.
- 7,4 paıyzy – aptasyna 3 retten jıi jegen.
Zertteý birneshe jylǵa sozyldy. Nátıjesinde eń joǵary ólim qaýpi:
- aptasyna 3 retten jıi ramen jeıtinderde bolǵan;
- sorpanyń jartysynan kóbin ishkenderde (sebebi tuzy óte kóp);
- ramendi alkogólmen birge tutynǵandarda anyqtaldy.
Ǵalymdardyń aıtýynsha, munyń basty sebebi – taǵamdaǵy shamadan tys tuz mólsheri.
"Tuzdy kóp jeý ınsýlt, asqazan obyry sıaqty júrek-qan tamyr aýrýlaryna ákeledi. Ramende ádetti tuz kóp, sondyqtan ony jıi jeý osy aýrýlar arqyly ólimge ákelýi múmkin", – delingen zertteýde.
Sonymen qatar, ramendi jıi tutynǵandar arasynda dene salmaǵy ındeksi joǵary, temeki shegetin, alkogól ishetin, qant dıabeti men gıpertonıasy bar adamdar kóbirek bolǵan.