Qostanaı oblysynyń Tobyl kentinde júk kóligi avtojanarmaı quıý stansıasyna soǵyldy, - dep habarlaıdy tilshisi Aqshamnews.kz "Nasha gazetaǵa" silteme jasap.
Oblystyq polısıa departamentiniń málimetinshe, oqıǵaǵa baılanysty tekserý júrgizilip jatyr.
"Aldyn ala derekter boıynsha júrgizýshi janarmaı quıý beketine soqtyǵysqan. Oqıǵa saldarynan zardap shekkender joq", – dedi PD ókilderi.
Polısıa júrgizgen saraptama nátıjesinde júk kóliginiń júrgizýshisi mas bolmaǵany anyqtaldy.
Eske salaıyq, búgin, 27 qyrkúıekte Aqmola oblysynda KamAZ ben jeńil avtokólik soqtyǵysqan edi. Saldarynan kámeletke tolmaǵan qyz kóz jumyp, 65 jastaǵy jolaýshy túrli jaraqattarymen aýrýhanaǵa jetkizilgen.