Keınniń ózgeshe qımyly starshınaǵa sezik týdyrǵan.
Almatydaǵy Ulttyq ulanǵa qarasty 3650 áskerı bóliminiń kúzetinde turǵan Iadrolyq fızıka ınstıtýty aýmaǵyna tyıym salynǵan zattyń ótip ketýine jol berilmedi, dep habarlaıdy Almaty-akshamy.kz .
Oqıǵa qalaı órbigenin baıandaıdy. Oqıǵa bylaı bolǵan edi. Jaýyngerlik qyzmette turǵan kınologıa qyzmeti bólimshesiniń bastyǵy starshına Baýyrjan Qurbanǵalıev memlekettik mańyzǵa ıe nysanǵa kiretin kólikterdi baqylaý pýnktine kelgen «Sýbarý» markaly avtokólikti teksere bastaıdy. Tekserý barysynda jetegindegi Keın atty qyzmettik ıti óziniń áreketi arqyly álgi kólikti muqıat qarap shyǵý kerektigin uqtyrady. Jarylǵysh zattardy izdeýge mashyqtanǵan Keınniń ózgeshe qımyly starshınaǵa sezik týdyrady. Ol kóliktiń artqy jaǵyna baryp, júk salatyn bóliginde tyıym salynǵan zattyń baryn kórsetedi.
Starshına Baýyrjan Qurbanǵalıev dereý qaraýyl bastyǵyna habar beredi.
Baqylaý-ótkizý pýnktine jedel jetken rezervtik top OFZ jáne rejım qyzmetkerleriniń kózinshe avtokólikti muqıat qarap shyǵady. Tekserý barysynda salmaǵy 30 gram bolatyn jarylǵysh zatqa uqsas nárse tabylǵan.
Mine, memlekettik mańyzǵa ıe irgeli nysan senimdi qolda.