Qytaıdyń birqatar provınsıasynda kúnniń qatty ysýyna baılanysty elektr energıasyna suranys tarıhı maksımýmǵa jetti, dep habarlaıdy Almaty-akshamy.kz Inform.kz-ke silteme jasap.
Osy aptada Qytaıdyń soltústik jáne soltústik-batys aımaqtarynda energıa qýatynyń maksımaldy tutynýy tirkeldi. Elektr energıasyna degen suranystyń joǵary bolýynyń negizgi sebepteriniń biri retinde kúnniń normadan tys ystyq bolǵandyǵy aıtyldy. Shandýn (Shyǵys Qytaı) jáne Henan (Ortalyq Qytaı) provınsıalarynda da elektr energıasyna joǵary suranys baıqaldy. Osy aptada Qytaıdyń soltústiginde aptap ystyq boldy. Eldiń bul aımaqtarynda qolaısyz aýa raıy jaǵdaıyna áreket etýdiń qyzǵyl-sary deńgeıi jarıalandy.
Aıta ketsek, ótken jyldyń sońynda Qytaıdyń kóptegen aımaqtary elektr qýatynyń tapshylyǵyna tap bolǵan edi.