Qytaıda Hýasán kanony arqyly ótetin álemdegi eń bıik kópirdiń qurylysy tolyq aıaqtaldy.
Qurylymnyń bıiktigi – 625 metr, al uzyndyǵy – shamamen úsh shaqyrym. Bul kórsetkish boıynsha ol Eıfel munarasynan eki ese bıik. Kópirdiń resmı ashylýy qyrkúıek aıyna josparlanyp otyr, - dep habarlaıdy Aqshamnews.kz.
Injenerler nysannyń senimdiligin dáleldeý úshin oǵan jalpy salmaǵy 3360 tonna bolatyn 96 júk kóligin júrgizip, bes kún boıy beriktigin synady. Kópir júktemege esh qıyndyqsyz tótep bergen.
Qurylys bar bolǵany 3,5 jylda aıaqtaldy. Qurylym jer silkinisinen qorǵaıtyn ıkemdi aspalarmen jabdyqtalǵan.
Jańa nysan Qytaıdyń ońtústik-batysyndaǵy Lújı jáne Anlýn aımaqtaryn baılanystyryp, taýly óńirdegi joldy aıtarlyqtaı qysqartady. Sonymen birge, bul tek kólik kópiri ǵana emes: munda sholý alańy, shyny lıft, dámhana jáne ekstremaldy sekirý alańy da qarastyrylǵan.