Búgin Almaty qalasy polısıa departamentiniń jeke quramy Almaly aýdanynyń qaq ortasynda ornalasqan Muqaǵalı Maqataev atyndaǵy skverge keń aýqymdy senbilikke shyqty, - dep habarlaıdy Aqshamnews.kz.
Bul naýqan respýblıkalyq “Taza Qazaqstan” kampanıasy aıasynda ótip, tek qana aýmaqty tazalaý sharasy ǵana emes, naǵyz tazalyq pen qalaǵa degen qamqorlyqtyń merekesine aınaldy. Polısıa qyzmetkerleri shahardyń eń kórkem buryshtarynyń birinde tazalyq jumystaryn júrgizdi.
Osy kúni polısıa qyzmetkerleri uly aqyn Muqaǵalı Maqataevtyń óleńderin oqydy. Senbilikke qatysýshylar men qala turǵyndaryna alma salynǵan sebetter usynylyp, polısıa qyzmetkerleriniń kórkemónerpazdar konserti uıymdastyryldy.
— Biz, Almaty polısıasynyń qyzmetkerleri kún saıyn qoǵamdyq tártip pen azamattardyń qaýipsizdigin qamtamasyz etemiz. Alaıda týǵan qalamyzdyń tazalyǵy men kórkeıýine óz úlesimizdi qosý da mańyzdy. Mundaı senbilik – bul tek tabıǵatqa qamqorlyq qana emes, sonymen qatar balalarymyzǵa, jastarymyzǵa jáne shahar turǵyndaryna úlgi bolarlyq is, — dedi Almaty qalasy polısıa departamentiniń bastyǵy Arystanǵanı Zapparov.
İs-shara barlyq qatysýshylardyń estelik sýretke túsýimen, jyly atmosferamen jáne qala turǵyndarynyń shynaıy alǵystarymen aıaqtaldy.